அன்பின் நிறம் வெண்மை

 அன்பின் நிறம் வெண்மை

அறிந்து கொள் மனமே -

அன்பின் நிறம் வெண்மை

அந்த வெண்மையில் நாமும்

அந்த உண்மையில் நாமும்

ஒன்றரக் கலந்தால்

இல்லை இனி பேதமே

(அன்பின்)

ஆண்டவன் நிறம் வெண்மை

ஆண்டவன் நிறம் வெண்மை

அவனுடன் கலந்தால்

அவனருள் இருந்தால்

இல்லை இனி மன இருளே (அன்பின்)

அன்பின் நிறம் அது

வெண்மை தானே

அன்பின் நிறம் அது

வெண்மை தானே (அன்பின்)

குறிப்பு: சுமார் ஏழு அல்லது எட்டு ஆண்டுகளுக்கு முன்பு பானிபெட் சென்றிருந்தேன் நண்பர் சுரேகாவை அழைத்துக் கொண்டு ஒரு பயிற்சி வகுப்பு ஹிந்தியில் எடுப்பதற்கு.

டில்லி விமான நிலையத்தில் இருந்து பானிபெட் காரில் செல்ல இரண்டு மணி நேரத்திற்கும் மேல் ஆனது. வழியில் ஒரு டாபாவில் நிறுத்தி தேநீர் குடித்து சமோசா சாப்பிட்டு திரும்பிய போது 'ரேகா பரத்வாஜ்' அவர்கள் பாடிய ஒரு சூஃபி சிடி கண்ணில் பட்டு அதை வாங்கினோம். உடனே கேட்க ஆரம்பித்தோம். முதல் பாடலே 'இஷ்க் கா ரங் சபேத்' பாடல்.

சுமார் 50 முறை கேட்டு இருப்பேன். பிறகு அந்த பாடலை அதே மெட்டில் கிட்டத்தட்ட அதே அர்த்தம் பொதியும் வண்ணம் தயார் செய்த பாடல் தான் இது.

இங்கே தந்திருப்பது இரண்டு சரணம் தான். மொத்த பாடலையுமே மொழிபெயர்த்தேன் என்று இங்கே சொல்லி ஆகவேண்டும்.