Quick poems

அழகு

என்ற சொல்லை

உன்னோடு பொருத்திய பின்

வேறெங்கும் வேறெதிலும்

அச்சொல்லைப் பொருத்த

இன்னும் அறியவில்லை

அறியும் எண்ணமுமில்லை

உடைந்த இதயத்தோடு

பாதி பேர் சுற்றி வரும் போது

உடைந்ததை ஒட்ட வைக்க

மீதி பேர் சுற்றுகின்றனர்...

குட்பை குட்பை என

குட்டிக்கரணம் போட்டு

பலமுறை சொன்ன பின்னர்

தான் அமைதியின்

முகவரி கிடைக்கிறது

முன் ஜென்மத்தில்

நீ...

இன்றும் இன்னும்

இப்போதும்

நீ...

பொருளே அவள்

அவள் இன்றி

இல்லை பொருள்

Short stories in few words

 வார்த்தை சிறுகதைகள்

- பால சாண்டில்யன்

வந்து பார்ப்பவர்கள் தலை தெறிக்க ஓடுகிறார்கள்

நிலா திரும்பிப் பார்த்தாள், முகத்தில் ஓட்டைகள்

கடலலை திரும்பக் கொணர்ந்த ஒற்றைச் செருப்பு

துடித்து அடங்கிய மீன் குழம்பில் நிச்சலனமாக

நடுங்கும் விரலுடன் அவள் நெற்றியில் குங்குமமிட்டான்.

மெசேஜ் பார்த்தவள் பால் பொங்கியதைப் பார்க்கவில்லை

யாருமில்லா வீட்டு வாசலில் ஆம்புலன்ஸ் வண்டி

"நீ எவ்வளவு அன்பு செலுத்துகிறாயோ அவ்வளவு வலிக்கிறது... ஏன்"

"அதை அதிகம் நினைக்க நினைக்க, அது மென்மேலும் காயப்படுத்துகிறது.... "

மனதின் ஆழத்தில், நிச்சயம் உனக்கது தெரியும்...

நீ இன்றி தவிக்கிறேனா அல்லது உன்னுடன் இருந்த என்னை இழந்து தவிக்கிறேனா

தொடர்ந்தது வாழ்க்கை. ஆனால் முன் போல அல்ல...

இழந்தேனா... பெற்றேனா...

பார்க்கலாம் என்று சொன்னது பார்க்காமலே இருப்பதற்கா ?

மௌனத்தின் ஓசை

 

மௌனத்தின் ஓசை

 

பாலசாண்டில்யன்

 

இமைகளின் நளின நடனத்தில் 

சில வார்த்தைகள் மெல்லப் பிறக்கும்

இதழ்களின் மெல்லிய அசைவுகளில்

மௌனமே அதை மொழி பெயர்க்கும்

 

இமைகளும் இதழ்களும் செய்திடும் 

லீலைகளால் நாவும் சற்று  வரளும்

என்னென்னவோ சொல்லிட நினைத்து

மாலை மாலையாய்  நீர் வடிக்கும்

கீதமும் நாதமும் செய்திட்ட  காவியம் 

படிக்க முடியாமல் ஏனோ துடிக்கும். 

 

சொல்ல முயலும் ஒரு சொல்லின் ஓசை 

பலர் சொல்லி முடித்த பொருள் பயக்கும் 

சொல்லைக் கடந்த மௌனப்பேழை 

பல கோடி கோடி பொருள் சுமக்கும் 

இமைகளின் அசைவு முடியும் போது 

எல்லா மொழியும் அங்கு சங்கமிக்கும் 

 

Baba song

 https://youtu.be/mO35ieMe-7M

Thank you Sri Bala Sandilyan Anna for the Divine proliferous lyrics 

Lead us from darkness to light. May you be blessed with most and more by the Grace of Baba  🙏

Om  Sairam

My stories

 https://youtu.be/546HjhgawRk

எனது மூன்று கதைகள் பற்றி பிரமுகர்கள்

Aise Kyon - Tamil Version

 அது ஏன்? அது ஏன்?

நான் ஏன் ஏதோ எழுதுகிறேன்

இரவெலாம் எழுதி அழிக்கின்றேன்

ஏன் எனைப் பற்றி இப்படி...

என்னிடமே நான் இத்தனை மறைக்கின்றேன்...

அது ஏன்... அது ஏன்?

இவற்றை நினைத்தல் இதயம் திறத்தல்

எல்லாம் சொல்லுதல்... எல்லோரிடமும் சொல்லுதல்

அவசியமா? ரொம்ப முக்கியமா?

அது ஏன்? அது ஏன்?

அவன் உதடுகளில் எனது பெயர் பிடிக்கின்றது

அவன் ஏன் அதை உச்சரிக்கிறான்?

என் மனதை நச்சரிக்கிறான்?

பல கேள்விகளால் மனம் குங்குமப்பூவென கரைகின்றது

குல்மொஹர் அவிழ்கின்றது என் இரவுக் கனவுகளில்..

இந்தக் கனவுகளில் இருந்து மீள்வது

அவசியமா? ரொம்ப முக்கியமா?

அது ஏன்? அது ஏன்?

அடிக்கடி அவனைப் பார்த்து விட்டால்

அகம் குளிர்கிறது... மனம் சுகிக்கிறது

இதயத்தில் வேறொருவர் இருப்பது

இனமறியா ஒரு பயமே தருகிறது..

நடந்தது ..மனம் முறிந்தது.. அது ஏன்?

இன்னும் என்னை ஆட்டிப் படைக்கிறது

எல்லாம் சொல்லுதல்.. எல்லோரிடமும் சொல்லுதல்

அவசியமா? ரொம்ப முக்கியமா?

அது ஏன்? அது ஏன்?

எல்லாம் சரி... எல்லாம் சரி என்றிருந்தாலும்

ஏன் அவன் எதுவும் சொல்ல மறுக்கிறான்?

அது ஏன்? அது ஏன்?

எல்லாம் சொல்லுதல்... எல்லோரிடமும் சொல்லுதல்

அவசியமா? ரொம்ப முக்கியமா?

அது ஏன்? அது ஏன்?

--------_---------_------------------------

'ஐசே க்யோன்' என்று ரேகா பரத்வாஜ் குழைந்து குழைந்து பாடினால் நான் என்ன செய்வது?

எல்லாம் சொல்லுதல்... எல்லோரிடமும் சொல்லுதல் அவசியமா?

ரொம்ப முக்கியமா?

கேள்வி கேட்டு தோற்றேன்... ஆனால் கவிதை எழுதி வென்றேன்..

ஆம் என்றேன்... பதில் கொண்டேன்..

- மூழ்கிய கவிஞர் பாலசாண்டில்யன்

Lord Muruga

 விருத்தம் - எனக்குப் புதிது (ஓர் பிரபல இசைக்கலைஞர் விரும்பிக் கேட்ட பொழுது நான் எழுதித் தந்தவை): - பாலசாண்டில்யன்

1.

பற்றறுக்கப் பற்றினேன் நின் மலர்ப்பதம்

பரமகுருபரா கனிந்தருள் பார்வை யொன்றுதா

கற்றறியேன் இகபர சுகம் பெற்றிட யான்

கந்தனுந்தன் கழலன்றி வேறறியேன்

சொற்பதம் போற்றி நின் பொற்பதம் தொழுதேன்

சொக்கன் மகனே எனக்கருள் நல்கிடுவாய்

அற்புதம் ஆயிரம் நாளும் செய்திடும் கந்தா

அனுதினம் உனைப் பாடிடும் வரந்தா

2.

பவசாகரத்தில் உழல்கின்றேன்

பன்னிரு கண்கள் கண்டிடுமோ

தயவே காட்டும் தயாபரனே

தந்தருள் செய்க குருபரனே

துன்பச் சுமையால் தவித்துநிதம்

தூயவன் கருணை கேட்கின்றேன்

அன்பைச் சொரியும் அருளரசே

அஞ்சேலென தோன்றுகவே

3.

பூவினுள் நின்றொருளிரும்

பன்னிரு கையனே ஐயனே

நாவினுள் நடனஞ் செயும்

நன்திரு முகங்கள் அழகே

யாவிலும் நிறையும் ஒளியே

யவன ரூபனே எழிலே

புவன முழுதும் நின்னருளே

புரிந்தருளுள் செய்திடு குகனே

4.

தோத்திரம் செய்தேன் தொழுதேன்

துதித்துநின் சேவடிகள் பற்றி நின்றேன்

ஆத்திரம் விடுத்து அடியனுக்கருள்வாய்

ஆறுமுகா குருபரா முத்துக்குமாரா

சூத்திரம் அறியேன் சூதறியேன்

சுப்ரமணியா நினையன்றி வேறறியேன்

உத்தமனே உனையே அழைத்தேன்

உள்ளக் குகையில் வந்தமர்வாயே

கீர்த்தனம்:

ராகம்: மலயமாருதம் தாளம்: ஆதி

உனைக் காணும் வரம் ஒன்று தா - முருகா

உன் தாள் பணிந்தேன் நான்

அருமறை போற்றிடும் அருள் வடிவேலா (உனை )

வினைகள் தீர்க்க விரைந்தே நீ வா

வள்ளி மணவாளா வடிவேலா

அனைத்தும் உன் செயல் தான்

அருள் செய் சிவபாலா

கவலையைக் களையும் கருணைக் கடலே (உனை )

அநாதை என்னை அணைத்துக் கொள்வாய் நீ

ஆரூரான் மைந்தா ஆறுமுகா

வேதனை தீர்த்தருள்வாய்

வேலா அருள்பாலா

வா வா முருகா வடிவேலழகா (உனை )

- பாலசாண்டில்யன்