Appa song of mine in video format

 https://youtu.be/SU-F9CiuH_g?si=6scDFdkPLyuVZjZ7

எனது மற்றும் ஒரு பாடல் வீடியோ வடிவில். நன்றி மின்கைத்தடி மற்றும் திரு உமாகாந்த் சார்

அல்லி நோடலு ராமா

 புரந்தரதாசர் இயற்றிய கன்னடத்தில்

" அல்லி நோடலு ராமா

இல்லி நோடலு ராமா" கிருதி

தமிழில் முயற்சி: டாக்டர் பாலசாண்டில்யன்

ராகம்: நாட்டைக் குறிஞ்சி

(பாடல் கற்க : பாலமுரளி சார் ஆல்பம் உண்டு)

அங்கு காணினும் ராமா

இங்கு காணினும் ராமா

எங்கெங்கு காணினும் ராமனின் ஸ்வரூபம்

ராவணனின் சேனை கண்டு அஞ்சி பயந்து

வானர சேவை காத தூரம் பறந்து

பாமரனில்லை அவன் பரந்தாம னெனப் புரிந்து

ராமனென்ற அவதாரம் பாரினில் விரிந்து...

(அங்கு)

அவனுக்கு இவன் ராமன் இவனுக்கு அவன் ராமன்

அன்புடன் காண்பவர் அனைவருமே ராமன்

அழகான அவன் ரூபம் அண்டமெலாம் விரிய

அசுரர்கள் அனைவரும் தாமே கொன்றழிந்தனரே

(அங்கு)

அனுமனைப் போல் நல்லோர் பலர் வந்திணைய

ஆரவாரமாக அவர் ஆடிக் களித்தெழ

அத்தருணத்தை புகழ்கிறார் புரந்தரதாசர்

அற்புத ராமனாய் எழுந்தருளி காட்சி தர

(அங்கு)

ஆன்மீக சிந்தனை :

 ஆன்மீக சிந்தனை :

மின்சாரம் பாய்ந்து மின்விசிறி சுற்றுகிறது. விளக்கு எரிகிறது. நாம் இங்கே போற்றுவது பாராட்டுவது அந்த உபகரணங்களை தான். ஆனால் போற்ற வேண்டியது மின்சாரத்தை தானே...! காண்கின்ற உபகரணங்கள் நமக்கு சிறப்பாகப் படுகிறது. கண்ணில் படாத மின்சாரம் மனதில் புரிவதில்லை.

காற்று வர மின்விசிறி, ஒளி தர விளக்கு, குளிர் காக்க பிரிட்ஜ் தேவை தான். அது போல ஞானம் பெற ஒரு குரு தேவை தான். ஆனால் குரு நமது கடவுள் ஒரு போதும் ஆகி விட முடியாது.

ஏசுவை வணங்குபவர்கள் சுவிசேஷக் கூட்டங்களுக்கு செல்லுவர். ஆனால் அவர்களுக்கு பிரசங்கம் செய்பவர் அல்லது போதிப்பவர் ஆண்டவன் அல்ல என்பது தெரியும்.

இஸ்லாமிய சகோதரர்கள் ஐந்து வேளை தொழுகை செய்தாலும் அல்லா தான் எல்லாமும் என்பது தெளிவாக புரிந்து செய்கிறார்கள்.

ஹிந்து மதத்தினை பின்பற்றுபவர்கள் சிலர் பிரசங்கம் செய்பவர்கள், பாடல் பாடுபவர்கள், பூஜை செய்பவர்கள் இவர்களையே கடவுளாக பார்க்கத் தொடங்கி அவர்களைப் பின் தொடர்கிறார்கள்.

இன்னும் சில சகோதரர்கள் எந்த மதமும் சாராது அன்னை, ரமணர், சாய் போன்ற குருமார்களையே கடவுளாக்கி வழி படுகிறார்கள். இது ஒரு அமைப்பு போல ஆகி இருக்கிறது.

ராமர், கிருஷ்ணர், அம்பாள், சிவன், ஏசு யாரையுமே நேரில் பார்த்தவர்கள் நம்மிடேயே இல்லாத தருணத்தில் மனோ தர்மத்தில், ஞான திருஷ்டியில் சிற்பமாக, உருவமாக உருவாக்கி தந்திருக்கிறார்கள். ஏனெனில் கவனத்தோடு பிரார்த்தனை செய்ய ஒரு பிடிமானம் தேவை அல்லவா ...!

மேற்சொன்ன கடவுள் பட்டியலை தாண்டி "பரம்பொருள்" என்று உண்டு என மகான்கள், குருமார்கள் உணர்ந்து தனது ஆன்மீக அற்புத தெய்வீக அனுபவங்களை பகிர்ந்து உள்ளார்கள்.

ராமாயணம், மகாபாரதம், பகவத் கீதை, பைபிள், எல்லாமே அந்தந்த காலத்திற்கு அந்தந்த சூழ்நிலைக்கு உகந்த ஒன்று என்ற கருத்து உண்டு.

மனிதனின் நம்பிக்கை, மனோபாவம், புரிதல், தேவை, மதிப்பீடுகள், சூழல், சாதகம், பாதகம், கஷ்ட நஷ்டம், தேடும் ஆர்வம், வாழ்வின் பொருள், செல்ல விரும்பும் பாதை இதன் அடிப்படையில் அவரவர் கண்டு தெளிந்து, பட்டு உணர்ந்து தனக்கென்ற ஒரு பாதையை உருவாக்கிக் கொள்ளல் வேண்டும்.

குருமார்கள் அவரவர் அனுபவம், போக்கு, நோக்கு, தேடல், பார்வை, குறிக்கோள், வாழ்வின் அர்த்தம், என்று கண்டுணர்ந்தது நமக்கு பொருந்தாமல் போக வாய்ப்பு இருக்கிறது.

கேட்பது, பார்ப்பது, தொடுவது, நுகர்வது, ஒவ்வொன்றும் அனுபவம் என்றாலும் உணர்ந்து தெளிவது தான் உண்மை அனுபவம். அதனை அடுத்தவருக்கு உரைக்க வேண்டிய அவசியம் இல்லை. உரைத்தாலும் அவருக்கு அது புரியாது.

நாம் கேட்பது, பெறுவது எல்லாமே கர்மவினைப் படி என நினைக்காமல், எது கேட்கிறோமோ அதனைப் பெறுகிறோம். எது நாம் பெறத் தகுதி உள்ளவர் என்ற அடிப்படை உள்ளது எனக் கொள்ளலாம்.

கொல்கத்தா செல்ல அதற்கான பாதை, கன்யாகுமரி செல்ல அதற்கான பாதை என உண்டு. ஆனால் இறை விஷயத்தில் எல்லா பாதையும் எந்த திசை நோக்கி நகர்ந்தாலும் சென்று அடையும் இடம் அவன் பாதம் தான். அவன் என்பது குறிப்பிட்ட கடவுள் அல்ல. எல்லோருக்கும் பொதுவான "பரம்பொருள்" என்பதுவே உண்மை. இதில் சரியான பாதை, தவறான பாதை, நேர் பாதை, வளைவுப் பாதை என்று கிடையாது. ஆனால் குர்ஆன் சொல்வது போல் (லீன் சிஸ்டம்) ஓர் விரைவுப் பாதை (shortest route to reach HIM) நாம் கண்டறியலாம்.

முதல் ஞானம் குருமார்கள் வழிகாட்டிகள், சிவன்-ஏசு-அல்லா-ராம்-கிருஷ்ணர் இவர்களைத் தாண்டி பிரபஞ்சத்திற்கு பொதுவான "பரம்பொருள்" என்கிற அருவமற்ற, உருவமற்ற, பெயரற்ற அந்த பேரருள் பொருந்திய அந்த பரம சக்தியை நாம் நமது வழியில் கண்டறிய வேண்டும்.

ஒவ்வாத உணவு, ஒவ்வாத டிவி சானல், ஒவ்வாத நிறங்கள், ஒவ்வாத கருத்து என்றெல்லாம் இருந்தாலும் "அன்பு" எனும் ஒன்றின் அடிப்படையில் (மின்சாரம் போல) அந்த புதிய பாதையை நாம் கண்டு தெளியலாம். கண்ணைத் திறந்தால் வெளிச்சம் தெரியும். மனதைத் திறந்தால் ஒளி பிறக்கும்.

எல்லாவற்றையும் கேட்டு, பார்த்து, உணர்ந்து பிறகு நமக்கான ஒன்றை கண்டறிந்தவர்கள் தான் நம் கண் முன்பு ரமணராக, சாய் பாபாவாக, இதர குரு பரம்பரையாக விளங்குகிறார்கள்.

இப்போது யோசியுங்கள் ...மின்விசிறி, விளக்கு இவற்றை போற்ற வேண்டுமா அல்லது மின்சாரத்தை போற்ற வேண்டுமா?

நாம் எல்லோருமே இந்த பிரபஞ்சத்தின் முன்னால் சமமானவர்கள் தான். நிறம், இனம், மதம் என்று பிளவு பட்டுக் கிடந்தாலும் போய் சேரப் போகும் இடம் ஒன்று தான். இது நீங்கள் அறியாத புதிய விஷயம் அல்ல. இருப்பினும் யோசிக்காத விஷயம் ஆக இருக்கலாம்.

எந்த மந்திரமும் தந்து விடாத அற்புதங்களை "நன்றி" என்ற மந்திரம் பெற்றுத் தந்து விடும். எந்த மொழியும் செய்ய முடியாத அதிசயத்தை "அன்பு" மற்றும் "புன்னகை" செய்து விட முடியும். இது பிரபஞ்சத்திற்கு பொதுவானது - பரம்பொருளைப் போல..!

என் மனதில் தோன்றிய இக்கருத்து நான் எங்கும் எதிலும் படிக்கவில்லை. கேட்கவில்லை. உள்ளே இருந்து இயக்கிய மாசக்தி சொல்ல சொல்ல டைப் செய்தேன்.

தோத்திரம், பூஜை, நோன்பு, பஜனை இவற்றை விட "நன்றி" என்கிற சொல்லும் உணர்வும் மிகவும் சக்தி வாய்ந்தது. நன்றி எனச் சொல்லச் சொல்ல கேட்டது கேட்காதது, நினைத்தது, நினைக்காதது நாம் கிடைக்கப் பெறுவோம். இது உறுதி.

இது எனது உணர்வு. உங்கள் மனதில் என்ன ஓடுகிறது இதனை படித்தவுடன் ...யோசியுங்கள் ...பிரபஞ்ச மனம் நம் உள் மனதுடன் தொடர்பு கொண்டு ஒரு பாதையைக் காட்டும். இது திண்ணம். முயற்சி செய்து பாருங்கள்.

Take diversion, அல்லது குறிப்பிட்ட திசை தான் இறைப்பாதை என குழம்பி விடாமல் எந்த பாதையும் "அங்கே" தான் இட்டுச் செல்லும் என அறிவோம். வழி சொல்பவர்கள் இறைவன் ஆகி விடக் கூடாது.

Signal அல்லது வழிகாட்டி அல்லது மைல்கல் எப்படி சாலை ஆகி விட முடியும்? உணர்வோம் ...உயர்வோம் ...!

எனது இந்த தெளிவு உங்கள் குழப்பமாக ஆனால் மன்னித்து விடுங்கள் என்னை.

உங்கள் தெளிவுக்காக காத்திருங்கள்....!

- பாலசாண்டில்யன்

Bakthi yesterday and today - my speech video link

 https://www.youtube.com/watch?v=WhxZ5XnG99s

சதுரங்க விளையாட்டில்...

 பகல் இரவென்று

கறுப்பு வெள்ளை

உண்டு வாழ்க்கை

சதுரங்க விளையாட்டில்...

ஒவ்வொரு கட்டத்திலும்

இக்கட்டான

போராட்டம் தான்....

எதிர் வரும் ஒவ்வொரு

மனிதனும் யானை குதிரையே...

வெட்டி வீழ்த்துவோருடன் தான்

நமது அன்றாடப் பயணம்...

குறுக்கே நகர்ந்தால் என்ன

நேரே நகர்ந்தால் என்ன

ஆபத்தான கட்டமைப்பே சமூகம்...

ஒரு ராஜா ஒரு ராணி என்ற விதியில்

நாமெல்லாம் சிப்பாய்கள் தான்...

ஒரு சில சிப்பாய்கள்

கடைசி வரை போராடி

ராணி ஆவதுண்டு...

விதிவிலக்கு பற்றிய பேச்செதற்கு?..

சக்தி காட்டும் ஒன்றுக்கு பலியாகி

வெட்டுண்டு வீழ்வதே விதி...

ஆட்டம் முடிந்த பின்னர்

சதுரங்க விளையாட்டில்

எல்லா காய்களும் ஒரு பெட்டியில்

போவது போல நாமும்

இறுதியில் எல்லோரும் சமமென்பதாக

அடக்கமாவோம் ஒரே பூமியில்...

காய் நகர்த்தி காத்திருக்கிறேன்

உங்கள் அடுத்த நகர்வுக்கு...

- பாலசாண்டில்யன்

vaa vaa anbe vaa my song in video format

 https://www.youtube.com/watch?v=soC25GrvZE4

Tujhse yaar kar liya hai

இது மொழிபெயர்ப்பு அல்ல...

இதயத்தின் பிரதிபலிப்பு

தமிழில்: பாலசாண்டில்யன்

இசை : ai தொழில் நுட்பம்

ஆக்கம் மற்றும் வீடியோ ஆக்கம் : உமாகாந்த்

வா வா அன்பே வா

வா வா அன்பே வா

உனை நினைத்து விட்டேன் ஓ

உனை நினைத்து விட்டேன்

பண்ணின் வரிகள் போல

மனதில் நிலைத்து விட்டாய்

பண்பாடு முறைகள் போல

உனை நினைத்து விட்டேன்

பண்ணின் வரிகள் போல

கடைசி மூச்சு வரை நிலைக்கும்

பழக்கவழக்கங்கள் போல

இது நம் காதல் வாழ்வானது ...அதனை

ஒவ்வொரு தருணமும் வாழ்கிறேன்

இது விதியின் விளையாட்டு

உலகமிதைக் காதலென்கிறது

என் வாழ்க்கை என் மனது

உலகே ஒரு சொல்லில் அடக்கம்

நீயென் மனதின் ஆறுதல்

நீயென் இதயத்தில் அன்பில்

வழிமுறையாய் மாறிவிட்டாய்

பல பண்டிகைகளை தவறிவிட்டேன்

பெருங்கொண்டாட்டம் இழந்து விட்டேன்

பலரும் உன் பெயரை உச்சரிக்கிறார்

வழிபாடு போல நிறைவான

தியானம் போல ... அதனால்...

உனை நினைத்து விட்டேன் ஓ

உனை நினைத்துu விட்டேன்

பண்ணின் வரிகள் போல

பண்பாடு முறைகள் போல...

My composition in Music academy sung by Sunil Gargyan

 https://www.facebook.com/Sunilgargyan/videos/1516499409133830