Tamil Ghazal

 A Tamil version of Ghazal:

அது ஏன்.. அது ஏன்.. அறிகிலேன் !

ஏதேதோ எழுதுகிறேன் ஏன் நான்.. ?

எழுதியதை அழிக்கிறேன் இரவெலாம்.. !

அது ஏன் அது ஏன்... ?!

என் உணர்வை ஏன் நான்

எனக்குள்ளே மறைக்கிறேன் இப்போதெலாம்... !!

இவையெல்லாம் எண்ணுதல்

மனதைப் புறம் தள்ளுதல்...

எல்லாமே எல்லோர்க்கும்

மனம் விட்டுச் சொல்லுதல்...

அவசியம் தானா ! இன்னும்

ரகசியம் வீணா... !!

என் பெயர் தான் அவனது இதழில்

அழகாய் இருப்பது ஏனோ - அவன்

எது சொன்னாலும் எந்தன் மனதில்

குங்குமப்பூவாய் மணப்ப தனாலோ?

இரவெலாம் கனவெலாம் குல்மொஹர்

மலர்களின் மழை பொழிவதேனோ?

அந்த கனவில் இருந்து நான்

விழித்தெழு வேண்டுமா அது ஏன்?

போகட்டும் அவன் ஏதுமே சொல்வதில்லை..

அது ஏன் அது ஏன் அறிகிலேன்..!

எப்போதெலாம் நான் அவனுடன் இருப்பேனோ

அப்போதெலாம் மனம் நிம்மதி கொள்கிறது

எனினும் இப்படி நடப்பது

தொடருமா யென

இதயத்தில் பயமே விளைகிறது....!

நடந்தது நடந்ததாகவே போகட்டுமென

நானும் இருப்பது சுகமே மனநலமே

நடந்ததை எண்ணியெண்ணி மனதை

ரணமாக்குதல் அவசியமா.. ! அது அவன் வசியமா..?!

போகட்டும் அவன் ஏதும் சொல்வதில்லை

அது ஏன் அது ஏன் அறிகிலேன்!

காரணம் அறிந்த பின்

மனரணம் இன்று உணர்கிறேன்!

அது ஏன் அது ஏன் காரணம்

அறிந்து கொண்டேன்...

அவன் போகட்டும் விடுயென

சரிந்து விட்டேன்..!!

- பாலசாண்டில்யன்

Aise kyon kuch tho likti hoon -

Ghazal influence

Rekha Bharadwaj will melt you with her earthern voice...

Tamil ghazal

 இன்னும் வாழ எனக்கு ஆசையிருக்காது

நீ மட்டும் என்னோடு இல்லையென்றால்

உன்னைக் காணும் போது

வசந்த காலம் வருவது தெரியும்

இருளிலும் கூட ஒளியாய்த் தெரியும்

நீ மட்டும் என்னோடு இல்லையென்றால்

உந்தன் அருகாமை கிடைக்காதிருந்தால்

கடல் சேரா நதி போல நின்றிருப்பேன்

கடல் சேர்ந்திருந்தாலும் ஓரலை வந்திழுக்குமெனை

நீ மட்டும் என்னோடு இல்லையென்றால்

இதயத்திலிருந்து குரல் எப்படி வந்தது

நம் உறவை விட பிரிவு பெரிதென்பதால் தான்

இன்று என் விழிநீரும் நல் முத்தாகுமா

நீ மட்டும் என்னோடு இல்லையென்றால்

(ஹமே அவுர் ஜீனேகி சாஹத் ந ஹோதி அகர் தும் ந ஹோதே - கேட்ட பின்னர்) 

பிரதிபலிப்பு: பாலசாண்டில்யன்

Quick poems

அழகு

என்ற சொல்லை

உன்னோடு பொருத்திய பின்

வேறெங்கும் வேறெதிலும்

அச்சொல்லைப் பொருத்த

இன்னும் அறியவில்லை

அறியும் எண்ணமுமில்லை

உடைந்த இதயத்தோடு

பாதி பேர் சுற்றி வரும் போது

உடைந்ததை ஒட்ட வைக்க

மீதி பேர் சுற்றுகின்றனர்...

குட்பை குட்பை என

குட்டிக்கரணம் போட்டு

பலமுறை சொன்ன பின்னர்

தான் அமைதியின்

முகவரி கிடைக்கிறது

முன் ஜென்மத்தில்

நீ...

இன்றும் இன்னும்

இப்போதும்

நீ...

பொருளே அவள்

அவள் இன்றி

இல்லை பொருள்

Short stories in few words

 வார்த்தை சிறுகதைகள்

- பால சாண்டில்யன்

வந்து பார்ப்பவர்கள் தலை தெறிக்க ஓடுகிறார்கள்

நிலா திரும்பிப் பார்த்தாள், முகத்தில் ஓட்டைகள்

கடலலை திரும்பக் கொணர்ந்த ஒற்றைச் செருப்பு

துடித்து அடங்கிய மீன் குழம்பில் நிச்சலனமாக

நடுங்கும் விரலுடன் அவள் நெற்றியில் குங்குமமிட்டான்.

மெசேஜ் பார்த்தவள் பால் பொங்கியதைப் பார்க்கவில்லை

யாருமில்லா வீட்டு வாசலில் ஆம்புலன்ஸ் வண்டி

"நீ எவ்வளவு அன்பு செலுத்துகிறாயோ அவ்வளவு வலிக்கிறது... ஏன்"

"அதை அதிகம் நினைக்க நினைக்க, அது மென்மேலும் காயப்படுத்துகிறது.... "

மனதின் ஆழத்தில், நிச்சயம் உனக்கது தெரியும்...

நீ இன்றி தவிக்கிறேனா அல்லது உன்னுடன் இருந்த என்னை இழந்து தவிக்கிறேனா

தொடர்ந்தது வாழ்க்கை. ஆனால் முன் போல அல்ல...

இழந்தேனா... பெற்றேனா...

பார்க்கலாம் என்று சொன்னது பார்க்காமலே இருப்பதற்கா ?

மௌனத்தின் ஓசை

 

மௌனத்தின் ஓசை

 

பாலசாண்டில்யன்

 

இமைகளின் நளின நடனத்தில் 

சில வார்த்தைகள் மெல்லப் பிறக்கும்

இதழ்களின் மெல்லிய அசைவுகளில்

மௌனமே அதை மொழி பெயர்க்கும்

 

இமைகளும் இதழ்களும் செய்திடும் 

லீலைகளால் நாவும் சற்று  வரளும்

என்னென்னவோ சொல்லிட நினைத்து

மாலை மாலையாய்  நீர் வடிக்கும்

கீதமும் நாதமும் செய்திட்ட  காவியம் 

படிக்க முடியாமல் ஏனோ துடிக்கும். 

 

சொல்ல முயலும் ஒரு சொல்லின் ஓசை 

பலர் சொல்லி முடித்த பொருள் பயக்கும் 

சொல்லைக் கடந்த மௌனப்பேழை 

பல கோடி கோடி பொருள் சுமக்கும் 

இமைகளின் அசைவு முடியும் போது 

எல்லா மொழியும் அங்கு சங்கமிக்கும் 

 

Baba song

 https://youtu.be/mO35ieMe-7M

Thank you Sri Bala Sandilyan Anna for the Divine proliferous lyrics 

Lead us from darkness to light. May you be blessed with most and more by the Grace of Baba  🙏

Om  Sairam

My stories

 https://youtu.be/546HjhgawRk

எனது மூன்று கதைகள் பற்றி பிரமுகர்கள்