Aaj Janae Ki Zidh Na karo - தமிழில் எனது பிரதிபலிப்பு
இன்றே செல்வேன் என்று அடம் பிடிக்காதே அன்பே
இதயத்தில் நான் சற்று இடம் பிடிக்கும் முன்பே (இன்றே)
என்னருகே கொஞ்சம் அமர்ந்து கொள்
என்னை விரும்புவதாகச் சொல்லிக் கொல்
நீ கிளம்பிவிட்டால் நீ மட்டுமா செல்வாய்
என் உயிரும் தானே எனைவிட்டு செல்லும் (இன்றே)
காலத்தின் கைப்பிடியில் நமது வாழ்க்கை
காதல் காலமே விரிக்கும் சுதந்திரச் சிறகை
பனிக் காலத்தில் நீயே எனது மேற்கூரை
பணித்து நிறுத்து இரவே போகாதே எனக் கூறி (இன்றே)
நான் ஏன் உனை நிறுத்துகிறேன் தெரியுமா?
நீ தான் என் வாழ்வும் சாவும் புரியுமா?
வாழ்நாள் முழுதும் துடிக்க வைப்பதா உன் வேலை
வாழ்ந்து காட்டுவோம் உலகிற்கு அன்பின் லீலை (இன்றே)
- டாக்டர் பாலசாண்டில்யன்
No comments:
Post a Comment