தோழன்
உயிர் காப்பான் தோழன்
உடன் இருந்து கவுப்பவன் அல்ல
எதுவும் எதிர்பாராதவன் தோழன்
எதிரி போல பார்ப்பவன் அல்ல
இடர் வரின் இறைபோல் ஒரு தோழன்
இடையூறு என நினைப்பவன் அல்ல
தனக்கெனப் பாராதவன் தோழன்
தனதே எல்லாம் என்பவன் அல்ல
மூழ்கினாலும் மூச்சாவது தோழன்
மூச்சடைக்க வைப்பவன் அல்ல
முன்னால் பேசுபவன் தோழன்
முதுகில் எழுதுபவன் அல்ல
எப்போதும் ஒரே மாதிரி தோழன்
எதிர்பாராததை செய்பவன் அல்ல
சகோதரனை விட ஒருபடி மேல் தோழன்
சட்டென்று கழட்டி விடுபவன் அல்ல
தோழன் இருந்தால் தோணி வேண்டாம்
தொடலாம் கடலின் அந்தக் கரை - அக்கறை
காசி வேண்டாம் பாவம் போக நல்ல தோழன் இருந்தால்
காசு பார்ப்பதே புண்ணியம் என்றால் தொழலாம் அவன் திசை.
No comments:
Post a Comment