வண்ணப் பெருங்கடலின் சாயமே - உன்
வண்ணமாய் என்னுடலும் ஆகுமே - காதல்
எண்ணமாய் உன்னுள் நுழையுமே - என்
வண்ணமும் உன் வண்ணமாகுமே
உதடுகளில் ஒலிக்கின்ற கீதம் ஆனேன் -நீ
உருமாறினால் நான் எங்கே போவேன் - வா
எனைக் கரைத்து உன் வண்ணமாக்கு - அட
உனைச் சுற்றியே ஆனது எந்தன் போக்கு
லேசாக எனை உன் வண்ணமாக்கு
மூச்சாக எனை உன் எண்ணமாக்கு
கணம் கூட உனை விலக மாட்டேன் - உன்
கதகதப்பின் வாசத்தை பிரிய மாட்டேன் - என்
சுவாசம் உனதுயிரில் கலந்ததாலே - நான்
சுயம் இழந்து நீயாக மாறிப் போனேன்
உன் வண்ணம் எனை உருமாற்றியதாலே -நான்
என் வண்ணம் இழந்து உன் வண்ணமானேன்
காலின் கொலுசொலியில் கேட்பது நானே - உன்
உயிரின் மூச்சொலியில் மாறி விட்டேனே - என்
விழிகளிலே உனதழகு வழிகிறது மானே - உன்
மொழிகளிலே எனதுறவு தெரிகிறது தானே
உன் வண்ணம் எனை
உருமாற்றியதாலே -நான்
என் வண்ணம் இழந்து உன் வண்ணமானேன்
காதல் மழையில் நாம் நனைந்தாலும் - இனி
கரையாது என்றும் நமது வண்ணம் - ஒரு
காற்றடித்தாலும் மாறாது அது திண்ணம்
கண்ணே நாம் கலந்திட்ட கிண்ணம்
உன் வண்ணம் எனை
உருமாற்றியதாலே -நான்
என் வண்ணம் இழந்து உன் வண்ணமானேன்
- பாலசாண்டில்யன்
அழகிய வரிகள். வாழ்த்துகள்.
ReplyDeleteதமிழ்மணத்துக்கு மாற்றாக வலைத்திரட்டியை உருவாக்கும் புதிய முயற்சி. உருவாகியது புதிய இணையத்தளம்: வலை ஓலை .
இதேநேரம் நமது, வலை ஓலை இணையத்தளத்தில் பரீட்சார்த்தமாக ஏழு வலைத்தளங்கள் இணைக்கப்பட்டுள்ளன. அத்துடன், அடுத்த மாதம் முதல் தமிழ்மணம் போல தனிப்பதிவுகளாக அனைத்து வலைத்தளங்களையும் இணைக்கவும் நடவடிக்கை எடுத்துள்ளோம். உங்கள் மேலான ஆதரவை வழங்க கேட்டுக் கொள்கிறேன்.
உங்கள் வலைப்பதிவை அறிமுகப்படுத்த ஒரு சந்தர்ப்பம். விபரம் இங்கே: நீங்களும் எழுதலாம்
எமது வலைப் பட்டியலில் இணைக்கப்பட்டுள்ள வலைத்தளங்களின் வலைப்பட்டியலைக் காண: வலைப் பட்டியல்